Səhiyyə

Persembe, 08 Nisan 2021

Jurnalist Yasemen MEMMEDLİ

İngiltərədə 30 yaşdan aşağı olanlarda qan laxtalanmasına səbəb olduğu üçün

“Oxford-AstraZeneca” peyvəndi vurulmayacaq.

Dərman və Tibbi Məhsulları Tənzimləmə Təşkilatı (MHRA) şərhində “Oxford-AstraZeneca” peyvəndinin ciddi xəstəliklərin qarşısını almaqda böyük faydaları olduğunu qeyd edərək bildirib: “Bununla belə 31 marta qədər 79 qan laxtalanması halı baş verib ki, bunlardan 19-u ölümlə nəticələnib. Qan laxtalanmasına nəyin gətirib çıxardığı hələ dəqiləşməyib.”

Laxtalanma hadisəsi baş verənlərin (51-i qadın və 28-i kişi) yaşı 18-79 arasında dəyişir. Həyatını itirən 19 adamdan 3-ü 30 yaşdan aşağıdır. 19 ölümün 14-ü beyin, 5-i isə damarlarda qan laxtalanması nəticəsində baş verib.

MHRA şərhindən sonra İngiltərə Peyvənd Komitəsi 30 yaşdan aşağı olanlara artıq “Pfizer” və ya “Moderna” peyvəndlərinin təqdim ediləcəyini açıqlayıb.

“Oxford-AstraZeneca” peyvəndinin birinci dozası vurulmuş adamlara isə eyni peyvəndin ikinci dozası da tətbiq ediləcək.

Qeyd edək ki, İngiltərədə 20 milyondan çox adama “Oxford-AstraZeneca” peyvəndi vurulub.

Xatırladaq ki, bir sıra Avropa ölkəsi qan laxtalanması səbəbindən sözügedən peyvəndin istifadəsini təxirə salıb, bəziləri isə yaşa görə məhdudlaşdırıb.