Elm & Texnologiya

Pazar, 09 Mayis 2021

Jurnalist Asif Merzili

Çinin "Chang Zheng5B" raket daşıyıcısının sərf edilmiş modullarının mayın 9-u səhər tezdən Türkmənistana düşmə ehtimalı var.

Bu barədə ABŞ Hava Qüvvələrinin xüsusi saytında məlumat yayılıb. ABŞ Hərbi Hava Qüvvələrinə görə, düşmə ehtimalı olan yerin koordinatları belədir - 38.1 dərəcə enlik, 62.5 dərəcə uzunluq. Modulların mayın 9-u səhər 04:13 düşəcəyi ehtimal edilir.

Məlumatlara görə, daşıyıcı raket aprelin 29-da Wenchang kosmodromundan start götürüb və gələcək Çin modul kosmik stansiyasının Tianhe (Samanyolu) baza modulunu orbitə çıxarıb. TASS agentliyi yazır ki, daşıyıcı orbitdən çıxma üçün aktiv manevr vasitəsinə malik olmadığından nəzarətsiz enmə həyata keçirir.

Boş çəkisi 18 ton olan raketin düşmə trayektoriyasını Rusiya da izləyir. Mayın 6-da Roscosmos rəhbəri Dmitri Rogozin Telegram-da mümkün eniş zonası olan bir xəritəni paylaşıb.

Bu arada Pekindən yayılan xəbərlərdə qeyd olunur ki, raketin əsas hissəsi atmosferə girdikdən sonra yanacaq:

“Bildiyimizə görə, o xüsusi bir şəkildə hazırlanmışdır - hissələrinin çoxu atmosferə daxil olarkən dağılacaq və yanacaq. Onların Yer üzündə hər hansı bir təhlükə yaratması və ya hər hansı bir zərər görməməsi və ya uçuşlara müdaxilə etməsi ehtimalı çox azdır", - deyə Çin Xarici İşlər Nazirliyinin sözçüsü Wang Wenbin cümə günü keçirilən brifinqdə bildirib.