TRTAJANS - AZƏRBAYCANDA İKİ RAYON LƏĞV EDİLDİ- RƏSMİ

 Xəbərlərin Faktiki Ünvanı 

Siyasət

Prezident İlham Əliyev "Gəncə şəhərinin inzibati ərazi bölgüsündə qismən dəyişiklik edilməsi haqqında" qanunu təsdiqləyib.

Sənədə əsasən, Gəncə şəhərinin tərkibindəki Kəpəz və Nizami rayonları ləğv edilərək Azərbaycanın ərazi vahidlərinin Dövlət reyestrindən çıxarılıb. Ləğv edilmiş Nizami rayonunun tərkibindəki 1 və 2 nömrəli sahə inzibati ərazi dairələri müvafiq olaraq Gəncə şəhəri tərkibində 1 və 2 nömrəli sahə inzibati ərazi dairələri hesab edilib. Ləğv edilmiş Kəpəz rayonunun tərkibindəki 1 və 2 nömrəli sahə inzibati ərazi dairələri, Cavadxan qəsəbə, Hacıkənd qəsəbə, Məhsəti qəsəbə, Nətavan qəsəbə, Sadıllı qəsəbə, Şıxzamanlı qəsəbə inzibati ərazi dairələri müvafiq olaraq Gəncə şəhəri tərkibində 3 və 4 nömrəli sahə inzibati ərazi dairələri, Cavadxan qəsəbə, Hacıkənd qəsəbə, Məhsəti qəsəbə, Nətavan qəsəbə, Sadıllı qəsəbə, Şıxzamanlı qəsəbə inzibati ərazi dairələri hesab edilib.
***
Bütün bunlar Azərbaycanda inzibati idarəetmədəki səmərəliliyi artırmaq, büdcədən idarəetməyə ayrılan vəsaitlərə qənaət etmək məqsədi daşıyır. Şübhəsiz ki, idarəetmədə təmərküzləşmə həmişə səmərəli olub, pərakəndəliyi, qarışıqlığı aradan qaldırıb. Nəzərə alsaq ki, artıq Azərbaycanda da Elektron hökumət tətbiqləri artmaqdadır, deməli, idarəetmə də köhnə ənənələrdən xilas olmalıdır.
A.Məmmədli

Pin It
»

40% Endirimli

Qalereya